TETRAA – VERMI BED HMANGA CHANGPAT LEITHA SIAM DAN

ENGE TETRAA VERMI-BED ?

     Tetraa Vermi-bed chu thelret puan tha chi chhe mai mai lo tura siam a ni a. A len zawng chu a tlangpuiin ft.12 a sei , ft 4-a hlai, ft. 2-a sang a ni a. Changpat hmanga leitha siamna atana hman a ni. Boruak luhna tur leh a tui paih chhuahna tur a nei bawk.

HMANRUA TULTE :

     1) Tetraa Vermi-bed pakhat.

     2) Thing/mau metre khat (1) a sei, a hmawr lehlam hriam lo mam tha tak.

     3) Changpat chi Eisena foetida 2kg – 10kgs.

     4) Polythene pipe 60mm diameter, 1 metre a sei, vermiwash lakna tur.

     5) Bucket –Vermiwash dawhna tur.

     6) Bawngek thar lam lo 240 kg.

     7) Hnim ro chansawm tam tawk.

TETRA VERMI-BED HMAN DAN :

     Tetra Vermi-bed pakhat hian hmun zawl 15X6 sq ft. a mamawh a, polybag a nih avangin a chhuatmam tha tak inches 4 – 6 a insan hleih tur a ni.

     Tetraa Vermi-bed bangah hian a ban hawlh luhna tur hmun 14-ah siam a ni a. A mawng kil sirah Tetraa Vermi-wash luan chhuahna tur kua a awm bawk a. Tetraa vermi bed dahna tur hmun kan siamah khan a banga ban hawlh luhna tur mil chiahin ban 14 inches 18-a thukah ngil tak leh nghet taka phun tur a ni.

      Vermibed hnuailam a tui luan chhuahna kha a hnuai lamah pipe a zawmin a hmawr leh lamah bucket dawh theih tur a siam tur a ni. Hnim sah sawm (Changel kawr, hnim nem awm ang ang ) inches 6-a chhah Vermi bed ah chuan dah tur a ni a. Chumi chungah bawngek tharlam nilo (Partial decomposed) inches 6 a chhah dah leh tur a ni . Hnim ro sah sawm inches 6-a chhah dah leh a, chumi chhungah chuan bawngek inches 6-a chhah bawk dah leh tur a ni.

     Heng bawngek leh hnim sah sawm in thuah hi uluk takin nithum chhung tui pek tur a ni a. Hei hian Bawngek leh hnim indelh thuah in up sa tak kha a tidai ang. Boruak in up sa a reh hnuah kua siam thliah thliah a, chu kua kan siam thliah thliah ah chuan changpat kha thun tur a ni a, chumi zawhah chuan chhin leh tur a ni. Bed hniam lama pipe kan vuah hmawrah bucket dawh a, a tui rawn chhuak apiang dawh khawl tur a ni.

     Hnim sah sawm (changel kawr, hnim nem awm ang ang) inches 6-a chhah vermibed ah chuan dah tur a ni a. Chumi chungah bawngek tharlam nilo ( Partial decomposed) inches 6-a chhah dah leh tur a ni. Hnim sah sawm inches 6-a chhah dah leh a, chumi chhungah chuan bawngek inches 6-a chhah bawk dah leh tur a ni.

     Tetra Vermi-bed hi a tha hle a, Changpat leitha siam rualin, Vermiwash leh changpat kan thar kawp tel a. Vawikhatah leitha 10qtls. vel a thar theih avang hian a hlawk hle a ni. Bed pakhat hian kum khat chhungin 60 qtls. vel thar thei tura ngaih a ni a, Vermiwash hi kum khat dah 100 litres a thar tlangpui. Changpat hi kum khat chhungin 100 kg vela thar hman bawk a ni.

Source :
Department of Horticulture
Mizoram : Aizawl